MULLERES E DISCAPACIDADE: A LOITA POLA IGUALDADE DESDE A ASCM

Mulleres e discapacidade: a loita pola igualdade desde a ascm

Nun mundo no que as mulleres seguen enfrontando barreiras e desigualdades, as mulleres con discapacidade son aínda máis marxinadas por unha dobre discriminación. A Asociación Sociocultural ASCM, con sede en Ferrol, foi unha das organizacións pioneiras en visibilizar e traballar para mellorar a situación das mulleres con discapacidade. Desde un enfoque inclusivo e feminista, ASCM traballa nun labor indispensable para promover a igualdade de dereitos, fomentar a autonomía e erradicar as barreiras sociais e físicas que limitan a participación activa destas mulleres na sociedade.

Dobre discriminación: o reto diario das mulleres con discapacidade

As mulleres con discapacidade enfrontan unha realidade complexa que combina os prexuízos de xénero coa exclusión por discapacidade. A miúdo, as súas voces son as menos escoitadas nas loitas feministas e nas iniciativas de accesibilidade, creando unha situación de vulnerabilidade e de desvantaxe acumulada. Estas mulleres teñen menos oportunidades educativas, menos acceso ao emprego digno e unha maior exposición á violencia de xénero. Mesmo cando acceden a servizos de saúde ou xustiza, enfrontan barreiras adicionais como a falta de accesibilidade, persoal capacitado e recursos adecuados para atender as súas necesidades específicas.

É neste contexto onde o labor da ASCM cobra unha relevancia crucial. O seu enfoque vai máis aló da simple asistencia social, defendendo que as mulleres con discapacidade teñan unha presenza activa e equitativa en todos os ámbitos da vida.

ASCM: Compromiso e experiencia ao servizo das mulleres con discapacidade

A Asociación Sociocultural ASCM construíu unha sólida traxectoria no ámbito da inclusión e a defensa de dereitos. Desde a súa fundación, a ASCM centrouse en proxectos que buscan transformar as vidas das persoas con discapacidade, prestando especial atención ás necesidades das mulleres. A través de programas de empoderamento, sensibilización e capacitación, esta asociación desenvolveu iniciativas pioneiras que buscan acabar coas barreiras que dificultan a vida destas mulleres e impídenlles participar plenamente na sociedade.

Un dos principais piares da ASCM é a educación e concienciación social. Esta organización recoñece que o cambio real empeza coa sensibilización da sociedade sobre os desafíos específicos que enfrontan as mulleres con discapacidade. A través de charlas e talleres en colexios, empresas e comunidades, a ASCM educa e rompe estigmas, promovendo unha visión inclusiva que avoga pola igualdade de oportunidades para todas as persoas, independentemente do seu xénero e a súa discapacidade.

 

Loita contra a violencia de xénero: unha necesidade urxente

A violencia de xénero é unha problemática alarmante para todas as mulleres, pero vólvese especialmente crítica no caso daquelas con discapacidade. As mulleres con discapacidade son máis vulnerables ao abuso, xa que a miúdo dependen dos seus coidadores ou familiares, o que as expón a situacións de explotación, malos tratos ou neglixencia. Con todo, a falta de accesibilidade nos servizos de apoio, como refuxios, centros de asesoría e sistemas xudiciais, fai que sexa extremadamente difícil para elas buscar axuda ou escapar de situacións de violencia.

O traballo da ASCM convida a reflexionar sobre a necesidade de construír un feminismo inclusivo e accesible, no que todas as mulleres, sen importar as súas capacidades, poidan vivir nun mundo libre de discriminación e con igualdade de dereitos.

Artigo pubricado na revista Conversas - Número 3 - Inverno 2024:

O Concello ofrece un segundo curso de defensa persoal no marco do programa polo 25-N

 A concelleira de Muller e Igualdade, Cristina Prados, informou esta mañá que terá lugar no pavillón de Santa Mariña

O Concello de Ferrol ofrece un segundo curso de defensa persoal os días 29 de novembro e o 1 de decembro no pavillón de Santa Mariña, de 9.30 a 13.30 horas, tal e como anunciou esta mañá a concelleira de Muller e Igualdade, Cristina Prados, quen explicou que dende a secretaría xeral da Igualdade e no marco do acordo de colaboración asinado coa Federación galega de Municipios e Provincias de Galicia para a conformación dunha Rede de entidades locais contra a violencia de xénero, o Concello de Ferrol vai desenvolver dito curso, que busca a prevención de situacións de violencia de xénero e promover as autocapacidades. O curso impartirase por persoal especialistas en defensa persoal e integrantes da Federación Galega de Loita no marco do Día Internacional da Eliminación da Violencia contra as Mulleres (25-N). 

O prazo de inscrición é desde o mércores, 10 de novembro, ás 9 horas, ata o 21 de novembro, ás 23.59 horas, a través do enlace www.ferrol.gal/defensapersoal25n, que estará operativo desde o mesmo mércores. Este curso súmase a outro de defensa persoal, tamén de balde, que terá lugar en colaboración coa Deputación da Coruña polo 25-N o día 27 de novembro no pavillón da Malata. As prazas xa están cubertas.

Actividades de Normalización Lingüística 

Prados, tamén concelleira de Normalización Lingüística, deu conta esta mañá na comisión ordinaria de área das actividades que se van desenvolver ata final de ano. A primeira, dentro do programa Apego, o concerto infantil ‘Rockeando con Ramona Órbita’, de Pakolas, dirixido ao público familiar, terá lugar o día 11 de novembro. Trátase dun concerto “cheo de humor no que coñeceremos as aventuras de Ramona Órbita e a súa máquina do tempo a ritmo roqueiro”, explicou Prados. A entrada será libre ata encher a capacidade do espazo. 

O 13 de novembro a Praza de Amboage terá lugar Vive a lingua, para público infantil, de 8 a 12 anos (de 16 a 17.30h) e mocidade de 13 a 17 anos (de 18.30 a 20 horas). A primeira será ‘A casa do mago’ e a segunda ‘O misterio das pantasmas’. É necesaria a inscrición previa no correo https://aventeira.com/vive-a-lingua/. O día 14 de novembro, ás 19.30 horas, o Teatro Jofre acollerá ‘Libre como os páxaros’, para o público a partir de 14 anos. Trátase dun espectáculo teatral sobre a figura e obra de Rosalía de Castro. A entrada é gratuíta e libre ata completar aforo.

Presentación dun poemario inédito de Xohana Torres 

A concelleira tamén anunciou para o día 24 de novembro, ás 19 horas, no Torrente Ballester, a celebración dun acto para a presentación dun poemario inédito de Xohana Torres. 

No marco do programa Apego haberá outras dous actividades no Torrente Ballester. O día 25 novembro terá lugar o contacontos ‘Como axudo a Antón?’, de Os Biosbardos, para familias con menores de 3 a 10 anos. Trátase da historia dun neno que “aínda que non o está a pasar moi ben na escola, poderá recibir a nosa axuda a través das nosas reflexións”. O acceso tamén será libre. 

Por último, o 9 de decembro, Mamá Cabra desenvolverá un obradoiro de arrolos para familias con menores de 0 a 3 anos, que aprenderán unha morea de nanas para adormecer, aleitar e gozar da música nos primeiros meses de vida. Para esta actividade é necesaria a inscrición previa, aberta ata o mesmo 9 de decembro, a través do correo electrónico gnl@ferrol.es. Cada menor irá acompañado dun máximo de dous adultos.

Fonte: Cocello de Ferrol

O Concello celebrará o 25-N con varias obras de teatro, un obradoiro de defensa persoal e a plantación de rosas

 A concelleira de Muller e Igualdade, Cristina Prados, indicou esta mañá que tamén se establecerá unha colaboración coa Deputación da Coruña para participar na campaña ‘Fai fronte á violencia de xénero’

O Concello de Ferrol vai celebrar o Día Internacional da Eliminación da Violencia contra as Mulleres (25-N) con varias actividades, tal e como trasladou esta mañá a concelleira de Muller e Igualdade, Cristina Prados, aos grupos municipais na comisión ordinaria de Benestar Social, Igualdade, Muller, Xuventude e Patrimonio Histórico. 

A edil explicou que o día 22 se iluminará de cor violeta o Teatro Jofre, ata o 29 de novembro, ambos incluídos. O 23 terá lugar unha obra de teatro de balde dirixida a centros educativos titulada ‘Sofía e as post-socráticas’, no Auditorio Municipal. O día 24 representarase no Teatro Jofre outra obra teatral, tamén de balde, para todos os públicos e titulada ‘Atrapadas’. 

O día 25 realizarase a plantación de rosas en homenaxe ás mulleres asasinadas en 2021 e darase lectura á Declaración Institucional do 25N na Avenida de Esteiro, diante do monumento de Concepción Arenal. 

Os días 26 e 27 haberá un espectáculo itinerante de microteatro contra a violencia machista que se desenvolverá en diversos locais de hostalaría da cidade, entre as 20.45 horas e as 23.45 horas. Realizaranse un total de 14 sesións de 15 minutos cada unha.

O 27 celebrarase un obradoiro de balde de defensa persoal no pavillón da Malata, organizado pola Deputación da Coruña en colaboración co Concello de Ferrol, tal e como indicou Prados. 

O día 30 terá lugar unha obra de teatro, ‘Invisibles’, de balde, dirixida aos centros educativos no Auditorio Municipal. Ademáis, durante a última quincena de novembro establecerase unha colaboración coa Deputación da Coruña para participar na campaña ‘Fai fronte á violencia de xénero’. 

Fonte: Concello de Ferrol

O Concello abre mañá o prazo de inscrición para un obradoiro sobre reciclaxe creativo e restauración de mobles que se desenvolverá na Casa da Muller

 O Concello de Ferrol abre mañá, xoves 28 de outubro, o prazo de inscrición para un novo obradoiro de balde dirixido ás mulleres da cidade. Neste caso impartirase na Casa da Muller (rúa Lugo, 56) ‘Recréate’, un curso en reciclaxe creativo e restauración de mobles, tal e como informou esta mañá a concelleira de Muller e Igualdade, Cristina Prados. 

Haberá dous edicións, unha en novembro e outra e decembro, cada una delas con dous niveis (inicio e estilo e cor). Cada edición contará con 10 prazas e as persoas interesadas poderán anotarse ata o 7 de novembro, ás 23.59 horas, a través da web www.ferrol.gal/obradoiromuller, que estará operativa desde as 9 horas de mañá. Na primeira quincena de cada mes desenvolverase o nivel de iniciación e na segunda traballarase o estilo e o cor. As sesións desenvolveranse os martes e xoves, de 10 a 12 horas. 

Prados indicou que o obxectivo deste novo obradoiro é “sacar a parte creativa e as habilidades das participantes ao tempo que aprenden a dar unha segunda vida aos obxectos a través da reutilización dos materiais”. Deste modo “crearanse pezas únicas e exclusivas mediante a recreación artística”. A edil explicou que no primeiro se aprenderán as técnicas do desgastado, os acabados con ceras sobre pintura e o arte do lavado con color para superficies a través do uso de rodillos e no segundo nivel, de estilo e cor, abordaranse métodos decorativos máis avanzados, como o degradado, decoupage, papel transfer, acabados tipo pan de ouro, ou o uso de papeis laminados. 

Inscrición : https://www.ferrol.gal/Sede/ObradoiroMuller

Novas accións para colaborar na elaboración do "III Plan de Igualdade de Narón".

 Inscríbete na plataforma "Narón Participa" e realiza as túas achegas no enlace 👇🏻

III Plan de Igualdade - Mapa de propuestas - Civiciti.com (naronparticipa.es)

Novo campus de formación en liña en materia de igualdade

Dende a Dirección Xeral de Relacións Laborais da Consellería de Emprego e Igualdade da Xunta de Galicia comprácenos informarlle da posta en marcha do novo campus de formación en liña en materia de igualdade dirixido a fomentar, formar e sensibilizar á sociedade na igualdade laboral efectiva entre homes e mulleres a través de accións formativas gratuítas enmarcadas en diferentes ámbitos como son a conciliación e a corresponsabilidade , o rexistro retributivo, o acoso laboral, o teletraballo, entre moitos outros.

Tratase dun espazo virtual de aprendizaxe que favorece os procesos comunicativos e aprendizaxes compartidas, posibilitando unha construción significativa e colaborativa de coñecemento.

Xa pode inscribirse nos dous primeiros cursos formativos que terán lugar ao longo do mes de outubro e novembro!!
Curso básico en igualdade laboral (8h)
Curso teórico-práctico sobre a prevención e tratamento do acoso sexual e por razón de sexo no traballo (10h)

Para máis información pode acceder ó espazo web https://igualdade-laboral.gal/ a través do cal se lle informará das novidades xurídicas, cursos e webinarios que se leven a cabo en materia de igualdade e indicarase a ligazón ao novo campus en liña en materia de igualdade.

Anímese!!! É unha oportunidade única!!!